Sherpura Premier League

• Sherpura Premier League (SPL) માં નોંધણી માટે માત્ર Sherpura ગામના રહેવાસી / મૂળ Sherpura સાથે સંબંધિત વ્યક્તિઓ જ પાત્ર ગણાશે.
• નોંધણી કરનાર ખેલાડીએ પોતાની સાચી ઓળખ, સરનામું અને Sherpura સાથેનો સંબંધ સાચી રીતે આપવો ફરજિયાત રહેશે.
• આયોજક સમિતિને જરૂર જણાય તો ખેલાડી પાસેથી ઓળખનો પુરાવો, સરનામાનો પુરાવો, અથવા સ્થાનિક ઓળખની ખાતરી માંગવાનો સંપૂર્ણ અધિકાર રહેશે.
• જો કોઈ વ્યક્તિ ખોટી માહિતી આપી નોંધણી કરશે, તો તેની નોંધણી તાત્કાલિક રદ કરવામાં આવશે.

નોંધણી દરમિયાન ખેલાડીએ નીચે મુજબની માહિતી સાચી આપવી ફરજિયાત રહેશે:

• પૂરું નામ & પિતાનું નામ / પરિવારની ઓળખ
• મોબાઇલ નંબર & ગામ / વિસ્તાર
• ઉંમર & ખેલાડી પ્રકાર (Batsman / Bowler / All-Rounder / Wicket Keeper)
• તાજેતરનું ફોટો & અન્ય માંગવામાં આવતી વિગતો

ખોટી, અધૂરી અથવા ભ્રામક માહિતી નોંધણીને અમાન્ય બનાવી શકે છે.

• એક ખેલાડી માત્ર એક જ વાર નોંધણી કરી શકશે.
• અલગ-અલગ નામ, નંબર, ફોટો અથવા ખોટી વિગતો સાથે અનેક નોંધણી કરવી કડક મનાઈ રહેશે.
• ડુપ્લિકેટ નોંધણી મળ્યે આયોજક સમિતિ ખેલાડીની તમામ નોંધણીઓ રદ કરી શકે છે.

• લીગમાં એક ખેલાડી માત્ર એક જ ટીમ માટે રમવા પાત્ર ગણાશે.
• ટીમ ફાઇનલ થયા બાદ ખેલાડી ટીમ બદલવા માટે હકદાર નહીં રહે, સિવાય આયોજક સમિતિની ખાસ મંજૂરી હોય.
• એકથી વધુ ટીમ સાથે સંકળાયેલો ખેલાડી અયોગ્ય ઠરાવી શકાય.

• Website પર નોંધણી કરવાથી જ ખેલાડીને અંતિમ રીતે લીગમાં રમવાનો અધિકાર મળી જાય એવું ગણાશે નહીં.
• દરેક નોંધણી આયોજક સમિતિની તપાસ અને મંજૂરી પછી જ માન્ય ગણાશે.
• આયોજક સમિતિ કોઈપણ નોંધણીને કારણસર અથવા આયોજકીય હિતમાં સ્વીકારવા અથવા નકારવાનો અધિકાર રાખે છે.

• લીગ માટે નક્કી કરાયેલી ઉમર મર્યાદા હશે તો ખેલાડીએ તેનો પાલન કરવું ફરજિયાત રહેશે.
• ખેલાડી પોતાની ઉંમર અને ઓળખ બાબતે સાચી માહિતી આપશે.
• ખોટી ઉમર બતાવી નોંધણી કરનાર ખેલાડી સામે કાર્યવાહી થશે.

નોંધણી કરનાર દરેક ખેલાડીએ નીચે મુજબની બાબતો સ્વીકારવી ફરજિયાત રહેશે:

• હું મેચ દરમ્યાન અને બહાર સારો વ્યવહાર રાખીશ.
• હું અમ્પાયર, આયોજક સમિતિ, અન્ય ખેલાડીઓ અને દર્શકો પ્રત્યે સન્માનપૂર્ણ વર્તન રાખીશ.
• હું ગાળો, ઝઘડો, મારામારી, ધમકી, ગેરવર્તન અથવા લીગની શાંતિ ભંગ કરે તેવી પ્રવૃત્તિ નહીં કરું.
• શિસ્તભંગના કિસ્સામાં આયોજક સમિતિનો નિર્ણય મને માન્ય રહેશે.

• જો કોઈ ખેલાડી પોતાની નક્કી થયેલી મેચમાં ગેરહાજર રહેશે, તો તે આગામી મેચમાં રમવા પાત્ર રહેશે નહીં.
• વારંવાર ગેરહાજર રહેતા ખેલાડીની નોંધણી અથવા ટીમ સ્થાન રદ કરવામાં આવી શકે છે.
• ખાસ તાકીદની પરિસ્થિતિમાં અંતિમ નિર્ણય આયોજક સમિતિ કરશે.

જો નોંધણી દરમિયાન ખોટી માહિતી, ખોટું સરનામું, ખોટી ઓળખ, ખોટો ફોટો અથવા અન્ય કોઈ ભ્રામક માહિતી આપવામાં આવશે તો:

• નોંધણી રદ થશે
• ખેલાડી લીગમાંથી અયોગ્ય ઠરાવી શકાય
• ભવિષ્યમાં SPL માં પ્રતિબંધિત કરી શકાય

આવી સ્થિતિમાં આયોજક સમિતિનો નિર્ણય અંતિમ રહેશે.

• ખેલાડી નોંધણી કરીને મંજૂરી આપે છે કે તેની મેચ દરમિયાન લેવામાં આવતી ફોટો, વિડિયો અને related media SPL દ્વારા પ્રચાર, સોશિયલ મીડિયા, પોસ્ટર, બેનર અને જાહેર માહિતી માટે વાપરી શકાય.
• ખેલાડી આ બાબતે અલગથી કોઈ વાંધો ઉઠાવશે નહીં.

• ખેલાડી પોતાની જવાબદારી પર લીગમાં ભાગ લેશે.
• મેચ દરમ્યાન સામાન્ય રમતગમતને લગતી ઇજા, અકસ્માત અથવા શારીરિક સમસ્યા માટે આયોજક સમિતિ સીધી જવાબદાર ગણાશે નહીં.
• ખેલાડીએ પોતાની તબિયત અને ક્ષમતા ધ્યાનમાં રાખીને જ નોંધણી કરવી.

• SPL ના તમામ નોંધણી, ચકાસણી, ખેલાડી પાત્રતા, ટીમ ફાળવણી, વિવાદ અને શિસ્ત અંગેનો અંતિમ અધિકાર આયોજક સમિતિ પાસે રહેશે.
• આયોજક સમિતિ જરૂર પડે તો નિયમોમાં ફેરફાર, સુધારો અથવા વધારા કરી શકે છે.
• Website પર નોંધણી કરનાર વ્યક્તિએ આવા બધા ફેરફારો માન્ય રાખવાના રહેશે.